Hotel Diskobay - Qasigiannguit
Qasigiannguanut tikinnermi nuunnguami qulaani Hotel Diskobay takuneqarsinnaavoq. Aneerasaartarfimmiit Qeqertarsuup Tunuanut isikkiveqarpoq, isikkivigitsillugulu Diskop qeqertaa avataani takuneqarsinnaalluni. Ukuttunngitsutigut akunnittarfimmi neriniartarfimmiit aneerasaartarfimmiillu qipoqqat nunamut qanittumi ingerlaartut takuneqarsinnaasarlutik, misigisaq puigunaallunilu nuannersoq. Hotel Diskobay-imi neriniartarfimmi ukiup qanoq ilinera apeqqutaatillugu nerisassiassat nutaat atorlugit nerisassiortarput. Kalaallit nerisassiaannik sassaalliisoqartarpoq, soorlu umimmak, tuttu aalisakkallu assigiingitsut. Aasaanerani aneerasaartarfimmi siaasaakkajuttarpugut.
Hotel Diskobay-imut angalaneq - Qasigiannguit
Ilulissaniit Qasigiannguanut angalanermi ilaasunut misigisassatsialaqarpoq. Ilulissat umiarsualivianiit aallaqqammiinnarlunili kangerluup paavanukartarput, Ilulissat iluliaqarfia tunuliaqutarilerlugu. Iluliarujussuit iluliaqarfimmi ikkannersami takussaapput, iluliarsuit annersaat immap naqqanut naqqarmissimallutik. Kujapparnerulaaraanni nunaqarfiup Ilimanap killingiusaa takussaapput, nunaqarfik taanna tassaalluni Kalaallit Nunaanni nunaqarfiit qanganisaanersaat. Puisinik takusinnaanissaq periarfissaqarluarpoq. Natsit takussaanerusarput, aataanilli aamma takuneqarsinnaasarlutik. Aasaanerani Qeqertarsuup Tunuani qipoqqanik takunissaq aamma periarfissaalluartarpoq.
Init
Init
Hotel Diskobay 15-inik pitsaasunik inaateqarpoq. Taakkunannga 4-t kusanarlutik, angisuujullutik, marluuttagaallutillu. Init tamarmik pujortarfiunngillat, immikkut uffarfeqarlutik, perusuersartarfeqarlutik fjernsyneqarlutillu. Init ilaat Qeqertarsuup Tunuanut kusanarluinnartumik isikkiveqarput, ilaalu aamma kusanarluinnartumik umiarsualivimmut illoqarfimmullu isikkiveqarlutik. Hotel Diskobay-imi trådløs-ikkut internet-imik atuinissamut periarfissaqarpoq, tikeraanullu sivisujaamik taakaniittussanut errorsissussisinnaanermut periarfissiillutik. Ullaakkorsiorneq akianut ilaareerpoq. (Kaajallaallutit angalanissarni pitsaassuseq pitsaanerpaaq toqqarsimagukku, taava Hotel Diskobay-imut inissinneqassaatit).
Hotel Diskobay-imi neriniartarfik
Hotel Diskobay-imi neriniartarfimmi ukiup qanoq ilinera apeqqutaatillugu nerisassiassat nutaat atorlugit nerisassiortarput. Kalaallit nerisassiaannik sassaalliisoqartarpoq, soorlu umimmak, tuttu aalisakkallu assigiingitsut. Aasaanerani aneerasaartarfimmi siaasaakkajuttarpugut.
Qasigiannguit
Qasigiannguit Qeqertarsuup Tunuani kusanarluinnartumik inissisimavoq, qaqqanillu 450 meterinik portussuseqartunik tunuliaqutserneqarsimalluni. Qasigiannguit maannakkut illoqarfiuvoq nutaaliaasoq, kisiannili imak angitiginani allaat nunaqarfittut periuseq katanneqarsimalluni, sunami tamaat pisuinnarluni orninneqarsinnaavoq. Qasigiannguit qanittuani pinngortitaq pisuttualaarnissanut tulluarluinnarpoq, iluatsitsigaanni piffimmi umimmaat takuneqarsinnaasarlutik.