Angallatinik attartorneq

Disko Linep angallatai tamarmik siunertanut assigiinngitsunut attartorneqarsinnaapput - inuutissarsiornermut imaluunniit takornariaqarnermut atatillugu.

Inuutissarsiorneq:

Assigiinngitsunik misilittangaqarluarpugut - ilisimatusarnermut atatillugu, napparsimasunik angallassinerit, imaatigut ujaasinerit, aattitassaqarnermut oliemullu misissuernerni, nunakkut imaatigullu.

Takornarissat:

Umiarsuit takornariartaatit sullittarpagut, ullormiit ullormullu inuit piumasaat malillugit angallattarlugit.

Sooq Disko Line toqqassaviuk:

1. Disko Line Diskobugtip iluani illoqarfiit akornani angallassinermik misilittangaqarluarpoq.
2. Disko Linep angallatai tamarmik nunarsuatsinni assigineqarpianngitsumik Umiartornermut Nakkutilliisoqarfimmit Det Norske Veritasimiillu ilaasunik angallassisinnaasutit akuerineqarnikuupput.
3. Disko Linep anguniartarpaa angallavimminni ilisimasaqarluartunik, ukiorpassuarnilu imaatigut angalaarnikunik pikkorissunillu inuttaqarnissani. Angallatini inuttagut ukiorpassuarni umiartoreersisuupput, taamaattumik angallatit arlaat suliassamut sumumulluunniit toqqassangaluaraaniluunni suliassaq angallammut inuttaanullu toqqissilluni tunniunneqarsinnaavoq.

Disko Linep angallatit makku pigivai:

• Najaaraq Ittuk: 14 knob, 60-nik ilaasoqarsinnaasoq.
• Aleqa Ittuk: 9.5 knob, 36-nik ilaasoqarsinnaasoq.
• Targa 37: 27 knob, 12-nik ilasoqarsinnaasoq.

Angallatinut paasissutissat allat uani nassaarisinnaavatit.

Attartornermi nalinginnaasumik aalajangersakkat:

1. Disko Line teknikkikkut silamillu peqquteqarluni ullormut allamut imaluunniit silagissinissaata tungaanut angalaarnissamik kinguartitsisinnaatitaavoq.
2. Attartornermut atatillugu kinguaattoortoqartillugu attartornerluunniit taamaatittariaqarpat Disko Line allat aningaasartuutigisinnaasanut akisussaatinneqarsinnaanngilaq.
3. Allatut isumaqatigiittoqarsimanngippat angallatinik, Najaaraq Ittuk kisiat pinnagu, attartornerit tamatigut minnerpaaffigivaat nalunaaquttap akunneri marluk, Najaaraq Ittummut nalunaaquttap akunneri pingasut,
4. Allatut isumaqatigiittoqarsimanngippat attartornerit fakturaliornikkut akilerneqartassapput.
5. Atuisut attartornissaminnik taamaatitsissapata disko Linep ataani malitassat aallaavigalugit imatut piumasaqarfigisinnaavai:
   
   • attartortumiit piumasarineqarsinnaavoq attartornissap akiata tamakkiisup 10 %, atuisussaq aallarnissamik pilersaarutip akunnerit 24-t sioqqullugu attartornissani taamaatissappagu.
   • Attartortumiit piumasarineqarsinnaavoq attartornissap akiata tamakkiisup 50 %, atuisussaq aallarnissamik pilersaarutip akunnerit 24-t ataallugit taamaatissimassappagu.
6. Missigersuummilluunniit nassiussisoqarsimagaluarpat angallatit attartornerup nalaani piffissamik atuineri malillugit akilerneqartassapput.

Disko Linep attartornissamut immikkoortortaqarfia:  charter@diskoline.gl