Disko Line A/S-mi CSR-imik pingaartitsineq

 

Naleqassusiinerni tunngaviit

Topas Explorer Group (TEG) 1973-mi pilersinneqarpoq, ukiorpassuarnilu Topas anersaavanik pingaartitsilluta sulivugut. Periuseq eqqartugarput tigussaasuunngilaq, ilisarisarparpullu, sullitattalu suleqatigisattalu ilisarisarpaat. Anersaap pissusai nassuiaruminaassinnaaput, Topas-imili anersaagissaarneq ataqqeqatigiinniinnermillu aallaaveqarpoq. Aammalu suleqatigiit sullitallu akornanni ataqqeqatigiinermik sulinermilu piumassuseqarluni avatangiisinillu pingaartitsilluni ingerlatsinermik isumaqarpoq. Isumaqarlunilu kinaaneq sumiinnerluuniit apeqqutaatinneqanngitsut.    

2004-mi Disko Line A/S pilersinneqarmalli tunngaviit taakkua sullivimmut ivertinneqarput, - aallaqqaataaniillu atuutsinneqalerlutik. Ingerlatsiviup anguniagaraa angallassinerni sullivinnik aqqutinillu eqqaatsunik aaqqissuussinermi illoqarfiit nunaqarfiillu ataatsimoornerulersinnissaat.

Uagutsinnut pingaartitatta atuutsinneqarnissaat nunap iluani nunarsuarmilu tamarmi atuutsinne-qalernissaat tunngaviupput.

Pisinnaanivullu tamaasa atorlugit pitsaanngitsunik takutitsinerit allanngortinnissaat, - aammalu pitsaasunik naammassisaqarnernit taarserneqarnissaat anguniagaavoq. Ingerlatsivinni taakkua sullissinermi pingaartitatut qitiupput. Ingerlatsiviup tunngaviusumik aallaavigai. DNA-vini ilaapput.  

Anersaamik DNA-millu oqaluuserinnikkaluartilluta ataavartussanik inooqataanermilu akisussaaffeqartunik ingerlatsinerit pingaartilluinnarneqarneri oqaatigisariaqarput. Sullissinitsinni avatangiisinik inunnillu ataqqinninnerit atorlugit suleqatigisavullu ataatsimoorluta anguniakkavut angusinnaavagut, - tamakkua pitsaasunik kinguneqassapput.  

Pisussaaffigut

Siunissami sulinitsinni avatangiissit pitsaasut, peqqissut ataavartussallu sulisutsinnit, tikeraartitsinnit suleqatigisatinnillu atorneqartussat, nunarsuarmilu tamarmi atuuttuarnissaat pingaartipparput, periusit nunani tamalaani atorneqartut aallaavigalugit suliaqarnitsinni tunngaviupput. Periutsit Naalagaaffiit Peqatigiiffiannit (FN-imit) innersuussutigineqartut Global Compact-imik taagutteqartinneqartut.    

Tamatumalu kingunerisaanik FN-ip Global Compactimi tunngaviusumik pingaartitai atuutsippavut siunissamilu pilersaarutitsinnut ilanngullugit, taamaasilluta ataavarsinnaasunik suliniuteqarnitsinni

sumiiffinnilu assigiinngitsuni suliniarnitsinni nukiit aqqutissallu atugassavut aalajangiiffigisinnaa- vagut kikkunnut tamanut iluaqutaasussanik toqqaasinnaangorluta.      

Ukiut tamaasa anguniakkavut suliavullu nalilerssortarpavut, taamaasilluata atajuarsinnaasunik suliaqarnivut pitsanngorsarlugillu ineritittarlugit.  

Suliaqarfiit tamarmik nakkutigineqarlutillu qaammatit tamaasa nalilersorneqartarput, ilaatigut qanoq pisariaqartigineri apeqqutaatillugit. Naliliinerit tamarmik Topas Explorer Groupimut ingerlatsivinnullu suleqatigisanut tunngassuteqartut ataatsimoortumik qitiusumillu katersuiffimmut inissinneqartarput. Aaqqissuussinerup taassuma iluani angusat misissoqqissaarneqartarput nalunaarsuusiarineqartarlutillu. Anguniagaraarput suleqataasut akornanni minnerpaamik ataatsip suliaqarfimmi pisariaqartumi piginnittuunissaa.     

• Disko Line A/S-ip nunat tamalaat akornanni inuttut piginnaatitaaffiit akuerineqarsimasut tapersersorpai.
• Disko Line A/S-ip inuit pisinnaatitaaffiinik innarliisoqannginnissaa qulakkeeqqavaa.
• Disko Line A/S-ip sulisut aaqqissuusamik peqatigiiffeqarsinnaanerat sulisullu aaqqissuussanik sulinerit pillugit isumaqatiginninniarsinnaatitaanerat tapersersorpaa.
• Disko Line A/S-ip pinngitsaaliilluni assigiinngitsutigut sulisitsiniartarnerit atorunnaarsinniarneqarnissaat tapersersorpai.
• Disko Line A/S-ip meeqqanik sulisitsisarnerup atorunnaarsinneqarnissaa taapersersorpaa. 
• Disko Line A/S-ip sulinerni isumaqatigiissuteqarnernilu assigiinngisitsinerit akuersaanngilai.
• Disko Line A/S-ip avatangiisini unammillernartunik nalaataqartilluni mianersorluinnartarnissaq pingaartippaa.
• Disko Line A/S-ip avatangiisinik mianersuussilluni akisussaafeqartunillu atuisarnissat pingaartippai. 
• Disko Line A/S-ip sulinerni atorfinitsitsinernilu inunnik, uppersiamik il.il assigiinngisitsisarnerit akuerinngilai.
• Disko Line A/S-ip Avatagiisinut pitsaanerusumik akisussaassusermik sulineq ineriartortitsinerlu tapersersorpaa.
• Disko Line A/S-ip teknologimi inerititsiniarnermi avatangiisinut akornutaanngitsunik pilersitsisarnissaq pingaartippaa.
• Disko Line A/S-ip inuiaqatigiinni sullissisut akornanni peqquserlulluni akilersittarnerit akuerisinnaanngilai.  

Inuit pisinnaatitaafii

Ileqqorissaarnissami maleruagassatsinni:” Code of Conduct”-timi sulisutsinnut, pilersuisutsinnut suleqatitsinnullu allanut piumasaqaativut allassimasuutigaavut. Niuerfitsinni isumaqatigiissutitsinnilu tamani ileqqorissaarnissami piumasaqaativut maanna naqitanngorlutik saqqummernissaat suliaraavut, taamaasilluni imarisai sulisutsinnit pilersersuisutinnit, suleqatigisatsinnilu ilisimaneqarnissaat aammalu atsioqataanermikkut akuersaarnertik ilisimatitsissutiginiassammassuk.

Taakkualu qaavisigut ”Ileqqorissaarnissami Maleruagassavut” tamanit atuarneqarsinnaasunngorlugit saqqummiunneqassapput, internetsikkut nittarsaavitsinni atuarneqarsinnaassapput, taamaasilluni soqutiginnittunit tamanit atuarneqarsinnaaniassammata.    

Ammaneq, ataqqinninneq, akaarinninneq aammalu assigiinngissitaarnerit sulinitsinni naleqartitatta ilagaat, - taamattumik sulliviit ammasut sulinermilu isumannaatsut pingaartippavut. Assigiinngisitsinerit, ikkatilliinerit akornusersuinerillu inissaqanngillat.

Pisinnatitaaffinni naligiittunik atugaqarnissat pingaartippavut. Atorfinittitsiniarnerni periutsit piginnaasat ilisimasallu naapertorlugit atorneqartarput, suiaassuseq, kultureqarneq, siuaasaqarnermi aallaaviit, upperisarsiorneq, kinguaassiutitigullu sumi inissisimanerit apeqqutaatinnagit. Ukualuunnit taasavut tamaakkiisutut oqaatigineqarsinnaanngikkaluarput.  

 

Sulisut atorfillillu piginnaatitaaffii

Disko A/S-mi sulisut imaqarluartunik suliaqarnissaat pingaartippavut, sulisullu naammaginartunik inuussutaasinnaasunillu akissarsiaqartittarpavut, taammaasillutik naammaginartunik inuuniuteqarsinnaassammata. Anguniakkat tamakkua eqqarsaatigalugit suliniuteqarfiit arlallit pingaartitavut ilisaritinniarpavut:

• Qanigisani sumiiffinnilu suliffeqarfiit
• Sumiiffinni ilinniarfissanik piorsaaanerit
• Sulisut taarseraappallaannginnissaat sulisullu atugarissaartinnissaat

Disko Line A/S-imi pingaartilluinnarparput inuiaqatigiinni najugaqarfinni suleqatigiinnermi peqataasutut isigineqarnissarput.

Tamakkuninngalu naammassinissinaanerput pingaarluinnarpoq, Taamaammat najugaqarfitsinni innuttaasut naalakkersuinermillu suliaqartut siammasissumik suliffeqarfiup kiffartuussinermini ineriartornissaa pillugu suleqatiginissaannut kajumissaarivugut, najuqarfitsinni sulisussanik atorfinittitsiarnitsigut.  Sulisuvut tamaasa angusaqarluarnissaannik piginnaassusernillu nutaanik pissarsinissaanni suleqataavugut.

Sulisut akornini taarseraappallaannginneq, - sulisullu akornini naammagisimaarinninneq ataasiusutut ipput. Kissaatigaarput suliffiup peqqinnartuullunilu isumannaatsumik inissisimanissaa, sulisullu timiminni tarniminnilu peqqinnartunik atugaqaqarnissaat isumannaatsunillu  atugaqarnissaat pingaarluinnarput. Suliffiullu isumaatsuunissaa ingerlajuartumik sulissutigiuarparput. Pingaartipparpullu sulisut pisortaminnit suleqatiminnillu ataqqineqarlutik pissuseqarfigineqarnissaat.    

Avatangiisit

Disko Line A/S 2004-mili Kalaallit Nunaanni suliaqalerpoq. Aallaqaataaniilli ilisimavarput nunap pissusai isikkuilu qaqutigoortut kusanaqisullu atajuarnissaat pisariaqartillugit, tassami ukiut tamaasa angalaarfigiuarpavut suliffigalugillu.

Tikeraartut takornariallu pingaartittuarpaat kinnguaariit tulliuttut aamma misigisat nuannersut pinneqisullu naamminneq aqqusaarsimasatik aamma inuunermik ilaani misigisinnaasariaqaraat. Taamatut isumaliornerit suli sulinitsinni tunngaaviupput.  

Taamaakkaluartoq ilisimavarput suliffissuaqarnerput avatangiisinut sunniuteqartoq. Taamaammat isummat periutsillu nutaat atorneqalersinnaanerinut tunngassuteqartut tamaasa eqqumaffigaavut. Takornariartitsinermi assartuinermilu sullissiveqarfittut soqutigisaraarput suliffeqarfitta ataavartussanik ingerlatsiuarnissaa. Sullissinitsinni pingaartipparput sulinitta pinngortitamut namminerlu nujuartanik uumasoqarfinnut naasoqarfinnullu akornutaanngitsunik periuseqarnissarput. Aalajangiisarnitsinnilu tamakkua aallaaviupput. 

Suliffeqarfimmi ammassumi tatigeqatigiiffiusumi, ilisimasaqarfiusumi ineriartortsitsiviusumilu sulivugut.

Tikeraartivut, sulisuvut suleqatigullu isummanik nutaannik, pitsaasunik iluaqutaasartunillu siunissaq isigigalugu sulinissatsinnik siunnersuuteqartarput. Avatangiisit illersorniarlugit iliuusissat suliassanngorlutik aallartineqareerput, malitseqassapullu. Anguniarparpummi pinngortitarsuarmut utertuarnissarput, tassami pinngortitami isikkiviit, uumasut pinngortitarsuarlu alianaaqisoq uterfigiuarusupparput. Topas Explorer Groupimi nunarsuaq tamakkerlugu susoqarfiit pingasut eqqumaffigilluinnarpavut.

• plastikkit ataasiakkaarlugit puussatut atorneqarnerisa annikillisinneqarnissaat suleqataaffigaarput
• minguitsumik imissaqartuarnissaq pingaartipparput
• ikummatissanik mingutsitsisartunik atuijunnaarnissaq pingaartipparput

Disko Line A/S-mi ikummatissanik mingutsitsinngitsunik suliaqarfitta ilaanni atuilereerpugut aammalu suliaqarfitta ilaanni ikummatissanik mingutsitsisunik atuinitsinnik millisaasussanik iliuuseqareerpugut.

Iliuutsit taama ittut Topas Explorer Groupimi immikkoortotaqarfinnit allanit atorneqarsinnaasutut kajumissaataapput. Ikummatissanik mingutsitsisartunut atuisarnitta ikummatissanut ataajuartussanut sangutinneqarnissaat periarfissaqartillugu iluarsiissutaasassapput. Aammalu nalinginnassumik tamakiisumik nukimmik atuinerup annikillisarnissaa sulissutigiuassavarput.     

Ileqqorluttuliornikkut iluanaarniarnernut akuersinnginneq

Disko Line A/S nunat sullivigisatta ilarpassuini sullissisutut pingaartutut isigineqarpoq, taamaatumik uagutsinnut pingaaruteqarpoq sulisutta, pingaartitatta, naleqartitatta, piviusutullu isigisatta aammalu niueqatigiinnermi ileqqorissaarnermik pingaartitsinitta illersortuarnissaat sulissutigiuassavagut.

Pingaarnertut piffinni assigiinngitsuni pisortanik suleqateqarnitsigut ineriartortitsivugut, tulliatullu pingaartipparput suleqatitta ”Ileqqorissaarnissami maleruagassatsinni” -  ”Code of Conduct”-itsimi piumasaqqativut akuerissagaat.

Nunani naalagaaffinnilu ingerlatseriaatsit, nunallu iluini piffinni immikkoortuni pisortanit ingerlatseriaatsit naapertorlugit sulivugut, akileraarutit tamaasa akilertarpavut inatsiseqarnermi piumasaqaatit naapertorlugit. Nammineq ingerlatsivitsinni nalunaarsukkat tamarmik nakkutigineqarput, - qulakkeerniarlugu pisortat nakkutilliisuinit takuneqarsinnaanissaat.

Ileqqorissaarnissamik maleruagassavut ileqqorluttuliornikkut pinerluttoqarsinnaaneranut piareersimaniarluta sulisutta akornanni inunnit pinerluttunit, aaqqissuussanilluunniit pinerlunniartunit sunniiniartoqarsinnaanerit sillimaffiginiarlugit pikkorissaasarpugut.    

 CSR-imik ingerlatinitsinni qulakkeerinninnissaq

 Kikkut tamarmik akisussaaffigivaat CSR-imik ingerlatsinerput atutsinneqassasoq- Disko Line A/S-imi aqutsisut sulisullu. Aqutsisut akisussaaffigivaat qulakkiissallugu CSR-mik sulinerput ulluinnarni sulinermi ilanngunneqassasoq. Taamaakkaluartoq Iluatsissinnaavoq aatsaat sulisut tamarmik suleqataasullu tamarmik tunniusimappata. Taamaattumik ulluinnatsinnut ilanngunneqartuaannalunilu ataasiakkaanullu akisussaaffilinnut anngunneqartarluni.

Topas Explorer Groupimi CSR-mut akisussaasoq qaqugukkulluunniit naammagittaalliutinik attavigineqartarsinnaavoq. Tamanna atuuppoq sulisuniit sullitaniilluunniit imal avataaniit CSR pillugu eqqunngittumik sulisoqarneranik takunnittunik. Saaffiginnissutit tamarmik kikkunnit tamanit takuneqarsinnaasumik allattorsimaffiutigivagut.

 

                                      Ileqqorissaarnermi maleruagassat

                                             Topas Explorer Group

    

 Topas Explorer Group-imi sulifffinnilu pigisaanni ileqqorissaarnermi maleruagassat Topas Explorer Group-imi suliffinnilu pigisaanni maleruagassanik ilisimatitsineq. Ileqqorissaarnermi maleruagassat niueqatigiinnermi najoqqutassaapput Topas Groupip / TEG suliffiutaanni, suliffinnilu pigisaanni sulisunit malinneqartussat. CSR tassaavoq suliffeqarfiit namminneq naleqassutsinik pilersitsinermik saniatigut aamma inuiaqatigiinnut nalilinnik piler-sitsinissamik anguniagaqartut, - inuiaqatigiinni inooqataanermi, avatangiisit pillugit akisussaas-suseqarluni anguniagaqarfeqarnissaq ileqqorissaarnermilu akuerisanik pingaartitsinissanik siunnerfeqartut. CSR-inut pisussaafeqarnitta nassataraa aamma aningaasaasarsiornermi angu-saqarluarnernik nassataqarnissaq. CSR-imi anguniakkat niuernerup iluanut sulinermullu ilanngun-neqartarput. Aammalu akisussaaffiit pingaartillugit ataavartussanillu pilersitsinissat pingaartip-pavut. Sulinitsinnilu suliffitta inuiaqatigiinut sunniutai paasilluarlugit, soqutigisaqarlutalu

inuiaqatigiit pingaartitaannik takunnissinnaanermik pigisaqassaagut. Tamakkua aallaavigalugit CSR-imi siumut isigaluta suliffitsinni avatangiisit pillugit inooqataanermilu anguniagassanik toqqaanikuuvugut. Ilanngullugit silap pissusaani aammalu inuit pisinnatitaaffiinut tunngassuteqar-tut pillugit anguniagaqarnissat suliassatsinnut ilannguppavut.   

Ileqqorissaarnermi maleruagassat anguniakkanut anginerusunut siammasinnerusunullu ilanngullugit ilisaritippavut, suliffigisatsinni atajuartussanik ungaloqartitsinernut iluaqutaasussat.

ilanngullugulu suleqatitta suleqatigisartakkattalu anguniakkanik taama ittunik nalilinnillu paasinnissaminnut piffissaqartitaanissaat pingaartipparput. Periutsit ukiut 45-rut ingerlaneranni Topas Group-ip niuernermi ineriartortissimasai tunuliaqutaapput. TEG suliffeqarfigisamini akisussaaffeqarluarluni peqataarusuppoq. Tamanna suliaqarfitsinnik nakkutiginnilluarnitsigut sullitatsinnik sullissilluarnitsigut suliarerusupparput. Tamatuma soqutigisaqartunut, pilersuisutsin-nut inuiaqatigiillu sinnerinut sunniuteqarluartussaanera neriuuteqarfigaarput. Imaanngilaq tama-tuma kingunerisaanik avatangiisit, silap pissusai inooqataanermilu apeqqutit kisiisa isiginiarnia-

rigut. Aamma sulisut pisinnaatitaaffii, inuit pisinnaatitaaffii aamalu peqquserlulluni iluanaarniuteqartarnerit, inuit akilerlugit peqquserlutitsinerit assigisaallu sammineqartarumaarput.

 

Ileqqorissaarnermi maleruagassavut

Ileqqorissaarnissami maleruagassiavut suleqatigisatsinnut tamanut saqqummiunneqarumaarput, naatsorsuutigaarpullu pineqartut tamarmik maleruagassiavut, nunamilu inatsisit malinniarumaaraat. Aammalu sulisutta inatsisit nunami tamarmi atuuttut,- piffinnilu aalajangersimasuni suliffigisaminni inatsisit atuuttut tamaasa ataqqillugit naapertorlugillu sulinerminnik ingerlatsiumaartut.

Uagutsinnik pilersuisut maleruagassat naapertorlugit suliat suliaqarfinni tamani ingerlanneqarnissaat akisussaaffigaat. Ersarinnerusumik oqaatigalugu pilersuisuvut suleqativillu qinnuviginiarpavut makkua eqqumaffigissagaat:

 

Avatagiiseq

Avatangiisit pillugit suliaqartut pilersuisullu ingerlaavartumik sulinermminni sunniutit pitsaanngitsut minnerpaanngortinniaqqullugit. Tamatuma nassatarai piumassuseqarluni akisussaassuseqarlunilu avatangiisini sulianik ingerlatsinissaq, -soorlu makkunani: Pisuussutini pinngortitap pilersitagaanni, igitassanik suliaqarnerni, nukissiuutinik atuinermi, imermik atuinermi, nipiliortitsisunik suliaqarnermi, pujoralaat tipittullu suliaqarfigigaanni.

Suleqatit pilersuisullu ingerlaavartumik piffinni inatsisit atuuttut naapertorlugit suliaminnik ingerlatsissapput,- tassani avatangiisit pillugit inatsisinik pineqarput. Pilersuisuttaaq avatangiisini politikkip oqaasertalersorneqarnissaa malinneqarnissaalu ingerlativiup sulineranut angissuseqar-lunilu pingaarutillip malinneqarnissaa qulakkiissavaat.  

 

Peqqissuseq isumannaallisaanerlu

TEG-ip susassaqarfiini suliffinnilu allani pigisaanni pilersuisullu tamarmik suliffeqarfinni peqqissusermi isumannaallissaanermilu illersorneqarsinnasunik aaqqissuussisimanissaq pisussaaffigaat.  

TEG-imi peqqissuseq isumannaallisaanerlu. Suliffeqarfiit TEG-imit pigineqartut pilersuisullu suliffii isumannaatsuunissaat, eqqiluisaarnermi peqqissutsimilu isumannaatsuunissaat. TEG-ip suliffeqarfiini, suliffinnilu allani pigisaanni pilersuisullu tamarmik suliffeqarfiup peqqissusermi isumannaatsuunissaat pisussaaffigaat.

TEG-imi suliffeqarfinni allani pigisaanni pilersuisullu tamarmik angallatit tamarmik (timmisartut, umiarsuit, bussit, biilit allallu) isumannaatsuunissaat, piffinnilu maleruagassat inatsisillu atuuttut naapertorlugit isumagineqarnissaat pisussaaffigaat. Taakkunani ilaapput sulisut tikeraallu ikuallattoornermi qatserutissanik tigoriaannarnik isumannaallisaatinillu peqarnissaat pisussaaffigaat.             

TEG-imi, suliffinnilu allani pigisaanni aammalu pilersuisutsinni eqqortunik sulisunik ilinniartitsisarnissat akisussaaffigaat, soorlu aaqqissuussinerit sulisut tikeraartullu ajutuunnginnissaannut sillimanissani iluaqutissat atornerisigut. Tassani pineqarput tikeraat sulisullu peqqissusaannik isumannaallisaatitut illersuutissatullu.

 

Sulisut inuillu pisinnaatitaaffii

Pinngitsaaliilluni sulisitsinerit TEG-ip iluani, suliffinni pigisaanni pilersuisullu ingerlataanni qaqugukkulluunniit atorneqassanngillat. Tassani pineqarput pineqaatissinneqarsimasunik suliso-qarnerni, inunnik nioqquteqarnerni, inussiaateqarneq. Pineqarputtaaq suulluunniit sulisup akuerisinnaanngisaannik imaqartut.

TEG-ip iluani, suliffinni pigisaanni - pilersuisullu suliffiutaanni meeqanik sulisitsineq atorneqanngilluinnassaaq. Inuussutuaqqanik atorfinitsitsilernermi International Labour Organization-ip naapertugassatut suliarisimasai qimerloorneqaqqaartassapput. TEG-imisuliffinnilu pigisaanni pilersuisuinilu suleqataasut allanullu attaveqarnerminni ileqqorissaarlutik pissuseqartassapput.

Sukkulluunniit assigiinngisitsinerit ammip qalipaataannik aallaavillit, kinguaassiuteqarnikkut inuunermi suiaaqatinik sammisaqartartunut, inuiattut kinaassusernik, oqaatsinik atuinermi sumiuussusernik aallaavinnik tunngaveqartunik, peqqissusermik, utoqqaassusermi inuiattut sumiuussermik, suiaassusermik, naalakkersuinikkut isummertarnermi aallaaviit, imaluunniit upperisarsiornermi tunngaviit aallaavigalugit immikkoortitsinerit minnerpaamilluunniit atorneqar-tussanngillat.      

TEG-imi suliffinnilu pigisaanni aammalu pilersuisutsinni piffinni aningaasarsiaqarnerit, utoqqalinersiuteqarnerit, akortertarnerni allatigullu taarsivigitinneqartarnerni inatsisit piffinni suliaqarfigisani atuuttut naapertorlugit suliat ingerlanneqassapput.     

Tamakkua saniatigut TEG-imi, suliffinni pigisaanni aammalu pilersuisutsinnit atorfinni isumaqatigiissutinik sulisut tamaasa agguaavigissavaat.

TEG-imi, suliffinni pigisaanni aammalu pilersuisutta isumaqatigiissutit tamakkiisut inatsisinillu illersugaasut ataqqisussaavaat. Ilanngullugulu TEG-ip, suliffiit pigisaasa aammalu pilersuisutta sulisut peqatigiiffitik aqqutigalugit tamakkiisunik akissarsiat pillugit isumaqatigiinniarsinnaatitaanerat ataqqisussaavaat.

Aningaasanik akiliisitsinerit imaluunniit akissarsianik ilanngaanerit aatsaat inatsisini maleruagassat naapertorneqartillugit aammalu ataatsimoortumik isumaqatigiissutini isumaqatigiissutaasimappata atorneqarsinnaapput.

 

Niueqatigiinnermi uppernassuseq peqquserlullunilu akilersittarnerit   

TEG-mi, suliffinni pigisaanni, pilersuisuinilu sulisut tamarmik inatsisit akilersilluni aningaasannanniarnernut, piginnittuunernut tunngassuteqartut atuuttullu,-  aammalu anngiortumik akilersittartarnerit pillugit inatsit tamaasalu naapertorlugit sulisussaapput, taamalu niuernermi uppernassusermik pigisaqarnermik sukassusiisussat aallaavigalugit sulisussaapput, TEG-imi, suliffinni pigisaanni aammalu pilersuisuni ingerlaavartunik ilinniartitsinerni, su- ngiusaanerillu aqqutigalugit tamanna qulakkeerneqassaaq sulisut tunissutinik tunniusaqarsinnaanerat aammalu anngiortumik akilersinnerit tunissutilluunniit angusaqarumalluni atorneqarsinnaanerat pinngitsoortinneqassaaq.

TEG-imi, suliffinni pigisaanni imaluunniit pilersuisut pisussaaffigaat eqqunngitsumik anngiortumillu isumatigiissuteqarnerit pinngitsoortinnissaat, iliuuseqarnermikkullu piaarnerpaamik isumagisussaavaat.